مايكروتياترو
المايكروتياترو هو أسلوب عرض مسرحي ظهر لأول مرة في إسبانيا، وبيعتمد على عرض أكثر من مسرحية بثيمة مختلفة مدة كل مسرحية تتراوح بين 15-20 دقيقة في ليلة عرض واحدة. بتكون أشبه بالفقرات.
بدايته كانت في اسبانيا ( مدريد ) عام 2009 وكانت فكرة ثورية اهم خصائصها عروض قصيرة مدتها من 10 ل 15 دقيقة وجمهور من 10 ل 15 شخص والعرض بيكون في غرف صغيرة وتذاكر مخفضة ووجود تيمة واحدة تخرج منها عدة نصوص قصيرة وتكرار العرض عدة مرات
وانطلق المايكروتياترو من بيت دعارة قديم تم تحويلة لغرف صغيرة كل غرفة اصبحت مسرح مستقل
هذا المكان غير التقليدي أصبح رمزا لثورة مسرحية جديدة من تذاكر مخفضة وقرب الممثل من الجمهور والتجربة المكثفة وامكانية مشاهدة اكثر من عرض في يوم واحد وتنوع الموضوعات أسبوعيًا او شهريًا
إخلاء فوري
ساكن ١: هما صحيح هيهدوا البيت ليه؟!
ساكن٢: بيقولوا لازم يتهد عشان شكله وحش..مبقاش لايق على اللي حواليه..احنا كمان مبقيناش لايقين مع اللي حوالينا.
ساكن١: ولا اللي حوالينا أصلا لايق على بعضه..
ساكن٢: هو صحيح مش لايق مع بعضه من زمان، بس كأنهم كلهم بقوا متفقين إن لازم البيوت دي تتهد
ساكن١: طب واحنا هنمشي؟
ساكن٢: لا هنقعد..هيدوا كل واحد فينا شقة في البرج اللي هيطلع، بس هتكون إيجار بمدة محددة..أو نمشي وناخد فلوس. بس تفتكر البيت اللي هيطلع هيبقى شكله حلو أوي كدا زي ما باين في الصورة اللي حاطينها؟
ساكن١: هيبقى شكله أحلى، بس مش هيبقى شبه بيوتنا من جوا.
ساكن٢: عندك حق. يبقى الأحسن نمشي ونروح مكان تاني لسه موصلتوش الأبراج. ولو إنه هيبقى صعب علينا بعد ما نطحت
المربوط والسايب
أ: أنت مين اللي ربطك كدا؟
ب: محدش ربطني
أ: طب تحب أفكك؟
ب: لا أرجوك أوعى تفكني!
أ: يبقى أنت اللي ربطت نفسك
ب: لا خالص..أنا كنت مربوط بخيط رفيع وبحاول أسلك نفسي منه معرفتش..
أ: طب خليني أنا أسلكك
ب: مش هتعرف..والحبل هيشد عليا ويحز على جلدي أكتر لحد ما يخنقني..
أ: هجيب مقص وأقطعه..
ب: أوعى تعمل كدا..جلدي هيتقطع معاه..خلاص بقى جزء منه..
أ: عندك حق، بس أنا لا يمكن أسيبك كدا
(يجذب أ طرف الحبل من على الأرض ويلفه حول نفسه حتى يصبح ملفوفًا بالحبل هو الآخر)
فين التكملة ولا خلاص كدا